كلمات الاصلية للقصيدة يا زاوي خبرني
يا سايل لا تسهى على سوالي لا تسمى هاوي
ولاني لاهي بسوال خاطري متشغل ميحول
خبرني يا زاوي على عرب خيرة وين نزول
راحل خفت الا نعيد سر اللي مرابط زاوي
وصافي دهب الطلبة اللي قراو حروف المنزول
مانيش عاشق فالبنات وعشق الطالب عذراوي
وما نتفك من لمحان صاعبين زادولي للطول
البارح راقد فالمنام جاني عقار بهاوي
مانع ليا فالغيب قاليا محمد قول
عندي فالناس احباب ولد لاغا وابن الصحراوي
راهم للشرق لهيه بين لجدر والدير نزول
فتاشين ضميري بالمحبة جلسة وقهاوي
بيت الحسنة والجود دايرين على العرض المول
رضيهم عني اليا بطاو عالسايح والدرقاوي
بجاه الناس الواصلين كي البودالي جلول
بجاه اللي يقرو خليل واللي نسبو علاوي
سهل ليا في كل صاعبة رجعها بسهول
نقاسم في لرياح بين توبة والعشق مهاوي
وخايف باب التوبة يكون في ذالسما مقفول
دنق للعرف ايلا طوال راه من الشجرة راوي
والقاصف بعدما تكملو يتسمى موصول
واحد كريم ضياف الا على الشنى والعرض يلاوي
كي الغاني كي المحتاج ضيف ربي عندو مقبول
واحد كيس ولبيق صاحب عقل يجرح ويداوي
عندو طب المحنة بلا كتوب يداوي المعلول
واحد بكاي بلا دموع جرحو ماهو براوي
ولاخر قلبو مطموس كي اللي بالطاسة مسطول
الراجل بعد اما تكننو كي البارود القاوي
دنق حس البارود وين ما صال يصول
الجايح بعد اما تعظمو ما يضحاش يساوي
دنق للي مبداه شين ما يعبى الا مرذول
قوال من غير شيوخ ماينتج لو جاحو قاوي
ما رفدوه الخطار يمسحو بيه عذاب الطول
اربي يامن صابلي خصيمي فاهم معناوي
وخدام اللي ثاقو صاحب لمحبة باكي للطول
وخايف الا نقدى يصيرلي كي الشيخ البكراوي
وما قريت بعد العاقبة طريق بليس المنعول
هذاك الطول الا ظليم شفتو في صحرا داوي
دوّاوه صيادين خايف من الضربة مفصول
هذيك الغشوة صاافية الا بدر هلالو خاوي
دارت عشرة واثنين والثلاثة ضيو مقفول
حاجب قبطانة الزين جا مصوب مطبوع مساوي
وعيون بها وثريات دواقس باي اسطمبول
خدك معنيه الا فنار وسط مجالس حكاوي
نبقى نتونس بيه في علالي ثاقب مشعول
خاذي دالرقبة سنجاق خرجوها يوم بلاوي
هدّو بيها لرباع والرزيقات نهار الهول
العاشق في مس النهود بالحشمة قلبو داوي
ودارتلو عنهم خاصة سبع قفاطن وحوول
ليست هناك تعليقات:
إرسال تعليق